博客動態

政情:高官評分暴瀉 波叔跌鑊甘鄭若驊墊底

作者:Chris 时间:2018-03-16 20:34:04 標籤: 分類:

新一份財政預算案受到各界抨擊,指斥派糖唔均,搞到民怨沸騰!最新一份民意調查顯示,市民對三名司長同十三名局長評分全線下瀉,其中制訂預算案嘅財政司司長陳茂波(波叔)嘅評分大跌一成半,成為跌幅最大嘅問責官員。不過,正所謂低處未算低,啱啱上任兩個多月嘅律政司司長鄭若驊,今次係首次被納入調查,但只有二點○七分,評分包尾。

香港研究協會喺今個月六日至十四日,以電話訪問一千一百零八名市民,對特首、司局長及特區政府的滿意度評分,以五分為非常滿意,一分為非常不滿意計算,波叔獲二點一九分,較上次調查下跌○點三七分,係錄得最大跌幅嘅官員。至於首次納入調查嘅鄭若驊則只得二點○七分,成為喺問責官員當中最低分嘅官員。

喺局長方面,十三位局長嘅評分都錄得跌幅,雖然食物及衞生局局長陳肇始嘅評分最高達三分,但較上次調查下跌○點○五分,係連續第五次排喺榜首,而民政事務局局長劉江華就繼續包尾,只獲得二點三一分。

預算案評價差拖累

香港研究協會就認為,結果反映咗市民對問責團隊嘅工作表現未感滿意,相信市民對預算案評價欠佳,係拖累政府整體觀感嘅原因之一。

另外,預算案公佈逾兩星期,社會要求全民派錢嘅聲音此起彼落,而波叔尋日出席一個網台節目時,繼續死撐話唔會一刀切全民派錢,仲數白欖咁講多次有乜嘢關愛共享嘅措施,亦承認當中或有漏網之魚,需要用關愛基金做「補漏拾遺」,亦係最適合嘅方法,佢相信藉助關愛基金嘅經驗能夠設計出理想嘅補漏方案,又話勞工及福利局局長羅致光會努力研究點做。

依家政府庫房水浸,市民都只係想分享經濟成果,可以攞番粒糖嗒嚇啫,波叔何必攬實啲錢做守財奴呢?


本文來源:http://orientaldaily.on.cc/cnt/news/20180316/00176_122.html

  • 承易教育- Home | Facebook

    298 likes. 承易教育乃師承林易老師,由原\"林易教室\"師資群承襲所有制度與學生沿革成立,全新設備、更強的師資與輔導系統,幫助所有有心向學的家庭。

  • HK Plaza Hollywood‏ @Plaza_Hollywood

    【濟州尊貴蝸牛系列買一送一】 蝸牛嘅護膚威力有幾強大? 可全效修護肌膚嘅同時,令肌膚再生! 著名韓國護膚Tonymoly嘅濟州尊貴蝸牛系列產品經過4次發酵,分子變得更加細、更容易被皮膚吸收~... http://fb.me/8BQFdjOLo 

  • 佛學- Google+

    八戒女體驗營-佛學威儀慧音法師主講(1). TranslateShow original text. Video. no plus ones. no comments. no shares. Looks like you\'ve reached the end.

  • 會員

    客戶支持

    聯繫方式

    地址:香港

    電話:(852) 0000 0000

    郵箱地址:info@hkguides.com