博客動態

暑期工陷阱多多 搵快錢因住觸法

作者:Beenle 时间:2017-07-17 18:43:01 標籤: 分類:

光棍佬教仔,便宜莫貪。暑假啱啱開始,同學仔搵暑期工,千萬謹記呢句口訣,否則「貪字得個貧」事小,誤墮法網身陷囹圄事大,絕對唔係講玩o架!

咪以為又係老生常談,好多所謂「筍工」,表面睇好似冇乜嘢,實際上陷阱處處,年輕人盲舂舂踩隻腳埋去,分分鐘衰咗都唔知咩事。呢嗱,海關數字顯示,今年上半年因售賣侵權物品而被捕嘅人士當中,三成係學生,年紀最細嘅只有十三歲,甚至試過有內地大學生及本地女護士學生因此被判囚及判感化令添。

唔知係咪啲年輕人見每年年宵賣嗰啲精品,當中好多同知名品牌「似曾相識」,以為冇乜所謂,加上喺售賣時標明「真假自辨」、「Not Real」、「高仿」等,以為咁做就戴咗頭盔;又或者喺網上市集或社交網站刊登廣告,等買家落單後至去買冒牌貨轉手賺取差價,諗住萬無一失,但結果都一樣斷正收場。

話時話,暑期工陷阱千變萬化,防不勝防,網上賣冒牌貨只係其中冰山一角。近排發生多宗案件,犯罪集團以「免費旅遊」為餌,氹青少年「落疊」成為「衝關豬」。不法分子最慣常手法係聲稱包食宿、機票,再提供幾千至幾萬蚊酬勞,而帶貨嘅最熱門路線則包括由巴西等南美國家,飛經中東再經東南亞國家返香港。最近就有三位年輕人涉嫌運毒喺泰國被捕。舊年超過三十名港人因參與跨境販毒被捕,當中四人係十五至十九歲青少年,情況都咪話唔嚴重。暑假係旅遊旺季,同類個案恐怕陸續有來。

嗱,害人之心不可有,防人之心不可無,出埋錢請你遊埠,當中肯定有蠱惑。可惜吖,有啲年輕人因為少不更事,輕易被人利用;亦有部分人貪刺激好玩,「成功」後四處同朋友炫耀;另一啲則可能出於僥倖心態,聽信謠言以為違禁品收埋喺木雕裏面可以避開X光機,又或者賴係「手信」或「不知情」就可以hea過調查人員,等到出事後悔已經太遲,特別係東南亞國家,運毒好多都係殺頭死罪,博唔過o架!

當然喇,橋唔怕舊最緊要受,好似「年滿十八歲毋須經驗」、月入萬八嘅「物流工」,又或者「識手機打字就有收入」一類「筍工」,經常會以唔同面目出現,年輕人一定要打醒十二分精神。

始終都係呢句,保護年輕人免墮求職陷阱,全社會必須通力合作,海關同警方等部門固然要加強掃蕩,學校及家長亦要加強宣傳教育,時時留心,而我哋作為傳媒嘅,就梗係會keep住對年輕人溫馨提示喇!


本文来源:http://orientaldaily.on.cc/cnt/news/20170717/00190_001.html

  • 林敬鈞醫師隆鼻拉皮雙眼皮整形中心| rhinoplasty, face lifting & eyelid ...

    隆鼻,拉皮推薦林敬鈞醫師,林敬鈞醫師提供韓式隆鼻,結構式隆鼻,三段式隆鼻,二段式隆鼻,自體肋骨隆鼻,內視鏡拉皮,前額拉皮,五爪拉皮,八爪拉皮,中下臉拉皮,高位筋膜 ...

  • Vintage ‏@MsveraChou

    It\'s complicated. 有些人的愛情,一言難盡。 pic.twitter.com/cJMYBwLjyO

  • Sonablate HIFU - About - Google+

    Sonablate HIFU hasn\'t shared anything on this page with you.

  • 會員

    客戶支持

    聯繫方式

    地址:香港

    電話:(852) 0000 0000

    郵箱地址:info@hkguides.com